მე ვარ ქეთევან ჯინჯოლავა. ზუგდიდის №2 საჯარო სკოლის ისტ მენეჯერი. მონაწილეობა მივიღე GEARN არის საქართველოს საგანმანათლებლო სარესურსო ქსელის მიერ ორგანიზებულ ტრენინგში. დამაინტერესა პროექტმა "ჩემი სახელი მსოფლიოში" და გადავწყვიტე მონაწილეობა მიმეღო.
პროექტმა საშუალება მომცა უკეთ გავცნობოდი საკუთარი სახელის მნიშვნელობას. მივიღე ინფორმაცია ჩემი მოსახელე ცნობილ ადამიანებზე.
პროექტის მუშაობაში ჩაერთო ჩვენი სკოლი რამოდენიმე მოსწავლე და მასწავლებელი.
მათი ბლოგებია:

• http://salome-xatia.blogspot.com/
• http://dito-misha-uta.blogspot.com/
  
• http://tamar-saxeli.blogspot.com/

ქეთევანი

სახელი ქეთევანი ჩემმა დამ დამარქვა.

ქეთევან (სპარსული) მნიშვნელობა უცნობია. "შაჰ-ნამეს" ერთ-ერთი პერსონაჟი ქალის სახელი ქეთაიონ ქართულში გადმოტანილია ქეთეონ-ის ფორმით, საიდანაც შემდეგ მიღებულია ქეთევან. მოფერებითი ფორმებია: ქეთო, ქეთი, ქეთინო, ქეთეთო.

ქეთევან დედოფალი

ამ სახელით საქართველოში ცნობილია რამდენიმე ისტორიული პიროვნება, მათ შორის განსაკუთრებით აღსანიშნავია თეიმურაზ პირველის დედა ქეთევან დედოფალი, რომელიც ტყვედ ჰყავდა შაჰ-აბაზს. ათი წელი იტანჯებოდა დედოფალი „საპატიო“ ტყვეობაში. მარხვით, ლოცვით, ქვაზე წოლით გაილია დედოფლის სხეული. მაინც მხნედ იყო, უვლიდა, ზრუნავდა და ზედ დაჰფოფინებდა თავის სამწყსოს - მის გამგებლობაში მყოფ ოციოდე ქართველს.
ხედავდა გულმრისხანე შაჰი, რომ „უდრეკ იყო დედოფალი“, ისევ წმიდა სამებას სასოებდა კახეთის მანათობელი ვარსკვლავი, ჯვარცმულ მაცხოვარს ავედრებდა თავის ჯვარცმულ ქვეყანას და ემზადებოდა დიდი მისიისათვის. უსჯულო აბასმა გადაწყვიტა, რჯული გამოეცვლევინებინა ქეთევანისათვის. წმიდა ქეთევანმა შორს დაიჭირა თავი და წამებისთვის განემზადა. უსჯულოებმა ენით აუწერელი სისასტიკით აწამეს ქართველთა წმიდა დედოფალი: გახურებული რვალის ქვაბი დაამხვეს თავზე, მარწუხებით დააგლიჯეს ძუძუები, გავარვარებული შამფურები გაუყარეს მკერდიდან ზურგში, ფრჩხილები დააძრეს, ხორცი დააგლიჯეს ლურსმიან ფიცარზე დააგდეს და ზედაც ლურსმნიანი ფიცარი დააჭედეს, ბოლოს გახურებული ბარით შუბლი გაუპეს.
წმიდა სულმა დატოვა ნაგვემი სხეული. გამძვინვარებულმა ჯალათებმა ნადირთა სათრევად დააგდეს წმიდა დედოფლის გვამი, მაგრამ ღმერთმა მოავლინა სასწაული - წმიდანის ნეშტს ნათელი დაადგა.

ქეთევანმა არ უარყო ქრისტეს სჯული და წამებით მოკლეს. ამის გამო ეწოდა ქეთევან წამებული, შერაცხილ იქნა წმინდანად და მისი სახელიც შეტანილ იქნა საეკლესიო კალენდარში. ქეთევან წამებულის შესახებ არსებობს რამდენიმე მხატვრული ნაწარმოები

ქეთი მელუა

ბრიტანელი ქართველი ქეთი მელუა ევროპას იპყრობს
წარმოშობით ქართველი ბრიტანელი მომღერალი, ანუ, როგორც მას დასავლეთის პრესა უწოდებს, «ბრიტანელი ქართველი» ქეთი მელუა (Katie Melua) მსოფლიო ესტრადის სამყაროში ტრიუმფალურ სვლას აგრძელებს.

2006 წლის შედეგებით ხმის ჩანაწერების ინდუსტრიის საერთაშორისო ფედერაციამ (IFPI) ქეთი მელუა ევროპაში წლის ყველაზე უფრო წარმატებულ მომღერალ ქალად დაასახელა. ქეთის ახლანდელი, მომღერლის დისკოგრაფიაში მეორე ალბომი «Piece by Piece» სამ მილიონზე მეტი ასლის სახით გაიყიდა, რის შედეგადაც შემსრულებელი «ყველაზე უფრო გაყიდვადის» რეიტინგში პირველ ადგილზე გავიდა.
«ქეთი მელუა - ყველაზე ფანტასტიკური აღმოჩენაა, რაც ცხოვრებაში გამიკეთებია. მე არასოდეს ველოდი, რომ ასეთ უნიკალურ პიროვნებას შევხვდებოდი, - ყველაფრის მნახველი პრიტანელი პროდიუსერი და კომპოზიტორი მაიკ ბეტი (Mike Batt) მთელ მის ინგლისურ თავშეკავებას კარგავს, როცა საუბარი ეხება მის შეუფასებელ აღმოჩენას, ქეთი მელუას. - იგი ერთ-ერთი ყველაზე ჭკვიანი და ნატიფი მომღერალია მათ შორის, ვისთანაც მე მიმუშავია. მისი შედარება ვინმესთან ძნელია, იგი თავისთავადია, აბსოლუტურად დარწმუნებული საკუთარ თავში და გააჩნია გასაოცარი შინაგანი სიმწიფე, რომელიც ბევრად აჭარბებს მის ასაკს, იგი განუმეორებლია სცენაზე და, ბოლოს, მას ძალზე ლამაზი თვალები და დამაჰიპნოზებელი მზერა აქვს», წერს http://www.music.com.ua/.

ქეთი მელუა 1984 წლის 16 სექტემბერს საქართველოში დაიბადა. იგი მშობლებთან და უმცროს ძმასთან ერთად ჯერ ქუთაისში ცხოვრობდა, შემდეგ თბილისსა და ბათუმში. 1993 წელს მამამისი, პროფესიით კარდიოქირურგი, სამუშაოდ ბელფასტში მიიწვიეს. ასე აღმოჩნდა 8 წლის ქეთი მელუა ირლანდიაში.19 წლის დებიუტანტს არაერთი სიურპრიზი მოუტანა 2003 წლის ფანტასტიკურმა შემოდგომამ. ერთხელ, განსაკუთრებით გემოვნებიანი აულიტორიის წინაშე მისი ერთ-ერთი გამოსვლის შემდეგ, ქალიშვილი თვით ინგლისის დედოფალს წარუდგინეს, რომელიც მას დიდი სიმპათიით მიესალმა: «მე მოვისმინე რადიოში თქვენი სიმღერა, ის ძალიან სასიამოვნოა».

ქეთი მელუამ მოულოდნელი საჩუქარი მიიღო მისი თაყვანისმცემლებისაგანაც - მისი სახელობის ტიტა. ყვავილის ახალი სახეობა, რომელსაც Tulipa Katie Melua უწოდეს, ჰოლანდიელმა სელექციონერებმა გამოიყვანეს.

მელუამ მხოლოდ 2007 წელს ევროპული ნომინაციების მთელი მოსავალი აიღო: მისი სახელი Brit Awards-ზე პრეტენდენტების სიის ორ კატეგორიაში ფიგურირებდა, იგი დაჯილდოვდა ნომინაციებში Echo Awards (გერმანია) და Edison Awards (ჰოლანდია). იგი ჰოლანდიაში საუკეთესო უცხოელ მომღერლად აღიარეს.

ქეთევან მაღალაშვილი

1894-1973

ცნობილი მხატვარი და საზოგადო მოღვაწე დაიბადა ქ. ქუთაისში. 1911 წ. სწავლა დაიწყო თბილისში კავკასიის ნატით ხელოვნებათა ხელისშემწყობი საზოგადოების ფერწერისა და ქანდაკების სკოლაში, სადაც მასწავლებლად იყვნენ იაკობ ნიკოლაძე, მოსე თოიძე, ოსკარ შმერლინგი. 1923 წ. ის შეუერთდა მხატვრების ჯგუფს დ. კაკაბაძის, ლ. გუდიაშვილის, ე. ახვლედიანის, შ. ქიქოძის შემადგენლობით, რომლებიც პარიზში ცხოვრობდნენ და სრულყოფდა თავის ოსტატობას კოლაროსის აკადემიაში. 1926-1937 წლებში მუშაობდა რესტავრატორად, ახდენდა მინიატურების, ფრესკების კოპირებას. ქ. მაღალაშვილი ტრიალებდა ინტელიგენტურ გარემოცვაში და ქმნიდა თანამედროვეების – ე. ახვლედიანის, ი. ნიკოლაძის, სოლიკო ვირსალაძის, ბ.კუფტინის და სხვათა პორტრეტებს. მის არქივში შემონახულია ფოტოგრაფიები, რომელზედაც აღბეჭდილია კულტურის ცნობილ მოღვაწეთა სახეები.

ქეთი დოლიძე

დაიბადა 1945 წლის 4 დეკემბერს თბილისში. 1967 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის დასავლეთ ევროპის ენა-ლიტერატურის ფაკულტეტი. 1975 წელს დაამთავრა თბილისის შოთა რუსთაველის სახელობის თეატრალური ინსტიტუტის სარეჟისორო-სამსახიობო ფაკულტეტი (მიხეილ თუმანიშვილის სახელოსნო). ერთ-ერთი დამაარსებელი თბილისის კინომსახიობთა თეატრის.

დამდგმელი რეჟისორია ფილმების:
1. დინოზავრის კვერცხი ( 1993)
2. ო, რა ტკბილია განშორების ეს ნაზი სევდა ( 1991)
3. მარტოხელა მონადირე ( 1989)
4. სანამ წვიმა გადივლიდეს ( 1984)
5. კუკარაჩა ( 1982)
6. კაცია ადამიანი ?! ( 1979)